Fesili e Masani Ona Fesiligia
Fesili Fa'alauaitele
Aisea o lo'o faia ai lenei su’esu’ega?
O le faamoemoe o le resitala o le fausia o se faaputuga tele o suafa o i latou e mafai ona faafeso'ota'i e uiga i le faamaʻi o le galo o mea pe le toe manatua ma nisi tulaga tali tutusa, faasolo matua, su’esu’ega i le tausiga o mai, ma nisi mataupu i le soifua maloloina i le soifuaga lautele o lo'o faatinoina i le UCSF, UCD, UCI, UH, CSUEB. po'o le ICAN ma isi faalapotopotoga faatasi ma faamaoniga a le Komiti Faatonu o Iloiloga mo le faitau aofai o tagata Asia Amerika, tagatanuu o Hawaii ma motu o le Pasefika. O lo'o totogiina le su’esu’ega e le Faalopotopotoga Tutotonu o le Soifua Maloloina.
O ai e mafai ona auai I le CARE?
E te agava'a I le CARE, pe afai:
- Pe afai o oe o se: Tagata Asia, Tagata Amerika Asia, Tagata Mao'I o Hawaii, po o se atu motu o le Pasefika
- O oe o se tagata ua ausia le 18 tausaga o le soifuaga, pe sili atu
- E te mafai ona faitau ma lelei lau tautala I se tasi o gagana ia: Igilisi, fa'asaina, fa'aHawaii, Hindi, fa'afilipaina, FaaIapani, fa'aKorea, gagana Samoa, Tagalog po o le fa'a Vietnamese
- E te nofomau I le Iunaite Sitete (USA) po so'o se atu motu Pasefika e I lalo o le vaavaaiga a le Malo tele o Amerika
- E te finagalo malie e fa'afeso'ota'I ma talosagaina lou auai I le su'esu'ega fa'alea'oa'oga tau I le soifua maloloina
Pe aisea e tatau ai ona ou auai I lenei Su'esu'ega Fa'alea'oa'oga?
I le vaitau lenei, e le o iloga tele ona auai o tagatanu'u (AANHPI) I ni su'esu'ega fa'alea'oa'oga faapenei.
Ina ia fo'ia lea pa puipui ma fa'asolofa, ua iai se naunauta'iga e taga'I I le mafuaaga ua vaivai ai le auai o sui mai ia atu motu po o tagatanu'u. O le agaga fia fa'amautuina, o le uuna'iina lea o le auai o tagatanuu nei ina ia logo so latou leo ma avanoa e sailiili ai i nei su'esu'ega fa'alea'oa'oga.
O nisi nei o ituaiga su'esu'ega fa'alea'oa'oga o le a ono faatalosagaina ai le auai, a e le ta maua'I na o ituaiga ia:
- Puipuiga, ma le Togafitiga o le suiga o le malosiaga o le mafaufau
- Gasegase o le Alzheimer ma isi ituaiga dementia
- Isi mataupu o le soifua maloloina, lamatiaga faapea le puipuiga e amata I le amataga o le soifuaga faasolo aga'i atu i le faaogatotonu o le soifuaga o lou soifua
- O le soifua maloloina ma le malosiaga o le tagata tausima'i
O ai e totogiina le CARE?
O le poloketi lenei o le CARE o lo'o lagolagoina e le faalapotopotoga o le NATIONAL Institute on Aging I lalo o le fa'amalumaluga o le National Institutes of Health I lona numera faamaufaailogaina R24AG063718, R01AG083926.
O le ta aofaiga o I latou o tusitala ua pa'u iai le mamafa o nei tusitusiga ma e le ni manatu fa'atuto'atasi ia o le faalapotopotoga o le National Institutes of Health.
E toafia ni tagata o le a auai I lenei su’esu’ega?
E silia ma le 10,000 tagata matutua Asia Amerika, Hawaii ma motu o le pasefika ua auai i le Resitala o le CARE ia Me 2023. O lo'o matou faamoemoe e resitala se isi 10,000 o tagata i lenei resitala.
O ai e mafai ona ia taliaina au fesili e faatatau I le su’esu’ega?
Afai e iai ni au fesili e uiga I lenei resitara, faamolemole faafeso'ota'I mai I le tuatusi imeli o le [email protected], pe resitara mai iinei contact form
Afai e te fia saunoa I se tagata I luga o le telefoni, vala'au mai I le (669)256-2609, pe faʻafesoʻotaʻi fesoʻotaʻiga talafeagai i le lotoifale:
- UCSF, Dr. Van Ta Park at (415) 514-3318 or [email protected]
- UCD, Dr. Oanh Meyer, (916) 734-5218 or [email protected]
- UCI, Dr. Joshua Grill, (949) 824-5905 or [email protected]
- ICAN, Quyen Vuong, (408) 509-8788 or [email protected]
Afai e te manaʻo e fesili e uiga i le su’esu’ega po'o au aia tatau o se tagata auai i se su’esu’ega, i se tagata e ese mai tagata su’esu’e, po'o le faaleoina o nisi o faafitauli po'o atugaluga o lo'o e nofo ma oe e faatatau i le su’esu’ega, faamolemole valaau i le ofisa o le UCSF Komiti Faatonu o Iloiloga i le (415) 476-1814.
Mo nisi Fesili
Pe faapefea ona ou resitara I le CARE?
E mafai ona e resitara mai I le tuatusi lenei o le upega tafailagi po o luga foi o le telefoni (669)256-2609.
O lea le mea e tupu pe afai ou te auai I lenei su’esu’ega?
Afai e te filifili e auai i lenei resitala, e faatumu lau iloiloga i luga o le upega tafailagi.
O lenei iloiloga e aofia ai fesili e uiga i lou talaaga faale-agafeso'ota'i e pei o le matua ma le tagatanuu, o au faamatalaga e faafeso'ota'i ai ma oe, fesili faale-soifua maloloina e pei o le soifua maloloina lautele ma talaaga tau i mai, pe o e tausia nisi tagata, ma au manaoga ma naunauga i lou auai ai i lenei su’esu’ega.
O lea le umi o lenei su’esu’ega?
E tusa ma le 20 I le 30 minute e te faatumuina ai le resitala o lou auai I le iloiloga. E faafeso'ota'I atu oe I tausaga taitasi mo se faafouina o talosaga.
E mafai ona ou taofia lo'u auai I lenei su’esu’ega?
Ioe, e te le tau faatumuina le su’esu’ega mo lou auai i le resitala o le CARE. Afai e te filifili e te le fia auai i lenei resitala, e le faaleaogaina nisi o au faamanuiaga masani, ma e mafai lava ona e mauaina togafitiga faafomaʻi e pei ona masani ai. Na'o le faailoa vave atu lava i le tagata su’esu’e po'o le tagata faigaluega, pe afai ua e mana'o e taofi lou auai i le su’esu’ega.
Afai e te alu ese mai le su’esu’ega, soʻo se faamatalaga ua uma ona matou aoina mai ia oe, o le a tumau pea o se vaega o faamaumauga o le su’esu’ega. E tatau ona e faailoa atu i le vaega su’esu’e, e te le manao e aoina nei faamatalaga pe a e le toe auai, a leai o le a aoina.
E le gata i lea, e mafai e le tagata su’esu’e ona taofia oe i so'o se taimi mai lou auai i lenei su’esu’ega, pe afai latou te talitonu e sili lea mo oe, pe afai e te le mulimulitaʻia tulafono o le su’esu’ega, pe ua taofia foi le su’esu’ega.
O a ni a'afiaga po'o ni lamatiaga e tatau ona ou iloa, mai lou auai I le su’esu’ega?
O le a matou fesili atu ia te oe ni fesili e uiga i lou talaaga ma le tulaga o lou soifua maloloina. I le taliina o nei fesili, o le a fesoasoani ai ia matou i le faafesoʻotaʻia o tagata su’esu’e ma tagata e ono auai o loʻo sailia pe manaʻomia mo a latou su’esu’ega. O nisi o fesili o le iloiloga atonu o le a iai ai ni au faalogona ese pe toe manatua ai ni tulaga faalelelei. Matou te fautuaina oe e tali le tele o fesili e te mafai ona e taliina. E mafai ona e filifili e aua nei faatumuina le iloiloga e auai i le resitala o le CARE.
E iai ni faamanuiaga I le auai I le su’esu’ega?
E leai ni faamanuiaga tu'u sa'o mo oe mai lou auai i lenei su’esu’ega. O faamatalaga mai lou auai e faaaogaina mo su’esu’ega. O tagata auai i le resitala a le CARE, e mafai ona fesoasoani i le faatupulaia o su’esu’ega e fai ma sui o le aofaiga o tagatanuu Asia Amerika, Hawaii ma motu o le pasefika, oi latou nei o lo'o tele ona leai ni sui i su’esu’ega. O lou auai i le CARE e mafai ona fesoasoani i tagata su’esu’e ma tagata i le vaega tau foma'i, ina ia malamalama atili i mana'oga ma tu'uina atu auaunaga mo tagatanuu o Asia Amerika, Hawaii ma motu ole Pasefika.
O a nisi filifiliga ou te mauaina pe afai ou te le auai I lenei su’esu’ega?
E pule oe pe e te le auai i le su’esu’ega. Afai e te filifili e te le auai i lenei su’esu’ega, e leai se faasalaga mo oe. E le faaleaogaina nisi o au faamanuiaga masani, ma e mafai lava ona maua le tausiga ma auaunaga masani mai lau faalapotopotoga e pei ona e masani ai.
E faapefea ona faaaogaina a'u faamatalaga?
E faaaoga e le au su’esu’e au faamatalaga ina ia faafoeina ai lenei su’esu’ega. A maea ona faia lenei su’esu’ega o lo’o faaaogaina ai au faamatalaga, atonu matou te faaaogaina isi faamatalaga ua tuufaatasia mo nisi su’esu’ega i le lumanai, pe faasoa atu foi i isi tagata su’esu’e atonu e mafai ona latou faaaogaina, mo nisi su’esu’ega i le lumanai. Matou te le faailoaina atu lou suafa po'o nisi faamatalaga patino ia te oe. E le mafai ona matou faamautinoaina e taofia ai le iloa o oe e tagata su’esu’e i le lumanai. Matou te le toe fesiligia oe mo se isi faatagana ina ia faasoa ai ia faamatalaga e le faailoaina le e ona.
Afai e te agavaa mo se su’esu’ega o lo'o fia maua ni tagata auai mai le CARE, e mafai ona matou tuuina atu iai lou suafa, ma faamatalaga e feso'ota'i atu ai oe(imeli, numera o le telefoni, tuatusi po'o mea uma nei ua taua i luga) ma le gagana faaaogaina. Matou te le tuuina atua au faamatalaga pe afai e te le ausia tulaga e agavaa ai mo le su’esu’ega. Mo se faataitaiga, afai e manaomia e se su’esu’ega ona auai tagatanuu Saina Amerika e luga atu o le 50 tausaga le latou soifua ma e taumafa sikareti ma e nofo i se vaega o Sacramento, e tuuina atu e CARE i le tagata su’esu’e nao lou suafa, o faamatalaga e feso'ota'i ai oe, ma le gagana faaaogaina. E manaomia ona maua e le su’esu’ega le faamaoniga mai le Komiti Fa'atonu o Iloiloga.
E malu puipuia faamatalaga e faatatau ia te au?
O le a matou taumafai i le mea e gata ai le matou taumafai, ina ia faamautinoa, o faamatalaga patino ia te oe lea sa aoina mai mo lenei su’esu’ega e faalilolilo. Peitai, e le mafai ona matou faamaonia le malu puipuia atoa. E mafai ona tuuina atu au faamatalaga patino a oe lava, pe a manaomia e le tulafono. O faamatalaga e faailoa ai oe o le a malu puipuia. Afai o faamatalaga mai lenei su’esu’ega e lolomi pe tuuina atu i fonotaga faasaienisi, o lou suafa ma isi faamatalaga patino ia oe, o le a le faaaogaina.
O sui faatagaina mai faalapotopotoga o lo'o taua I lalo, e mafai ona latou iloiloina faamaumauga o lau su’esu’ega, mo le faamoemoe e faafoeina le faatinoina o lenei su’esu’ega:
- Sui o le Faalapotopotoga Tutotonu o le Soifua Maloloina
- Sui o le Iunivesite a Kalifonia
- Sui o le Iunivesite a Hawai'i
- Sui o le Iunivesite a le Setete o Kalifonia, I le faga I sasa'e
- Sui o le faapotopotoga Faavaomalo o Fesootaiga mo Fesoasoani mo Fanau
E iai se tau ou te totogiina I lo'u auai ai I lenei su’esu’ega?
Leai. Ua malie le lagolago e totogi uma mea e fesootai ma lenei su’esu’ega; e le totogiina e lau inisiua po'o oe.
E totogiina au I lo'u auai ai I lenei su’esu’ega?
I se taui mo lou taimi ma taumafaiga, o le a tuuina atu ia te oe mai le vaega su’esu’e, nao le taimi nei lava, se pepa faameaalofa $10 mai le Amazon po'o le Target. O tali tau faasese o le a le iloiloina, ma e leai se totogi e tuuina atu.